إذا أحببـــت الحيـــاة .. فـــلا تدخـــن !

موضوع حبيت اننا ممكن ندردش فيه شويه ..


إذا أحببـــت الحيـــاة .. فـــلا تدخـــن !


دى مش حملة جديدة للقضاء على التدخين او ادمانه .
مجرد مقولة .. ياترى انت مؤمن بيها ؟ مصدقها ؟ شايفها صح ؟ ....



ببساطة حياتَك .. والدخان !
وحياتِك .. والدخان !
وحياتنا كلنا .. والدخان !

مش ضرورى تكونى بتدخنى عشان تكونى طرف فى الموضوع .. ولا ضرورى انك تكون مدخن
ولا انا !!
بس كلنا اطراف فيه .. اذا كان عن طريق التدخين المباشر او الغير مباشر !


ولو انت مدخن .. حياتك بالدخان ازاى ؟ وتتخيل من غيرها تكون ازاى ؟
وامته وازاى قررت انك تدخن ؟ ولا جت فجاة !!
وليه اخترت كده ؟
طيب .. وفى رمضــان .. بتعمل ايه ؟؟ اعتقد يعنى بتبطل وتصوم ! طب ما حاولتش ان دى تكون نقطة بدايه جديدة لك ؟


ولو كنت قبل كده بتدخن والحمد لله ربنا كرمك وبطلت ..
ازاى بطلت ؟ وليه ؟ ومين ساعدك فى ده ؟
وكانت حياتك ازاى قبل .. وبعد ؟ حسيت بايه بعد كده ؟
ولو حد قريب منك بيدخن ايه بيكون موقفك ؟


لو بقى انت او انتِ زىّ .. من المشاهدين لمن حولك وهو يقتل نفسه بنفسه !
مثلا .. اد ايه نعرفهم بيدخنوا ؟ حاولنا قبل كده نساعدهم ؟
تعرف / تعرفى حد قرر يوقف التدخين ووقفه ؟ او حد عايز يبطل وبيحاول ؟ وبيعمل ايه ؟


مثلا لو فى المواصلات - ودى نقطة واحدة - .. ولقيت حد بيدخن !
طب انت اخترت بايدك انك تضر نفسك .. ليه اخترت للى حواليك انك تضرهم ؟!



وحاجات كتـــير واسئلة كتيـــــــــرة اوى
تخصنا كلنا .. حتى لو الحمد لله مفيش حد مقرب لينا او نعرفه مدخن .



رؤيتك ورأيك عن حياتنا بالدخان ..
ومن وجهة نظرك .؟ ايه اسباب التدخين ؟
الاصدقاء ؟ عدم الاحتواء الاسرى ؟ اهمال الاباء بعض الوقت لابنائهم ؟
ولا ايه بالظبط ؟